झापा – कचनकवल गाउँपालिकाले शिक्षा तथा मानव स्रोत विकास केन्द्र , सानोठिमी ,भक्तपुरको निर्देशनअनुसार नयाँ शिक्षकहरूको पदस्थापन प्रक्रिया सफलतापूर्वक सम्पन्न गरेको छ। शिक्षक सेवा आयोगबाट सिफारिस भएका प्राथमिक तह ,तृतीय श्रेणीका १३ शिक्षकलाई गाउँपालिकाले स्थायी नियुक्ति प्रदान गर्दै सम्बन्धित विद्यालयमा पठाएको हो।
शिक्षकहरूको पदस्थापन विद्यालयहरूको आवश्यकतालाई ध्यानमा राखेर गरिएको गाउँपालिकाले जनाएको छ। नव नियुक्त शिक्षकहरूलाई गाउँपालिका अध्यक्ष कालेन्द्र प्रसाद सिंह राजवंशी ,शिक्षक महासंघ अध्यक्ष भैरव प्रसाद राजवंशी तथा शिक्षा समितिका प्रतिनिधिहरूको उपस्थितिमा नियुक्ति पत्र प्रदान गरिएको थियो। कार्यक्रमको सञ्चालन शिक्षा शाखा अधिकृत मनिता बरालले गरेकी थिइन् ।
नयाँ शिक्षकहरूको पदस्थापन अनुसार प्रदिप खनाललाई कचनकवल-२ (सुकुनाडिगी) स्थित श्री लक्ष्मी प्रसाद देवकोटा मा.वि. ,कविता बरम्ले मगरलाई कचनवल-२ (आदर्श टोल) स्थित श्री आदर्श आ.वि. ,रञ्जु न्यौपानेलाई कचनकवल-६ (डुगडुगी) स्थित श्री शिव आ.वि. ,लक्ष्मी माया लिम्बूलाई कचनकवल-५ (आमजुवानी) देवी आ.वि ,झरेन्द्र सिगुलाई कचनकवल-१ (डाकुपरा) स्थित श्री वसन्त आ.वि. ,विनिता बिष्टलाई कचनकवल-६ (बनियानी) स्थित श्री लक्ष्मी मा.वि. ,प्रियंका सेर्मालाई कचनकवल-४ (लोधावारी) स्थित श्री दीपेन्द्र आ.वि. ,कृष्णवती राजवंशीलाई कचनकवल-४ (केचना( स्थित श्री महेन्द्र रत्न मा.वि. ,नारायण सिंह राजवंशीलाई कचनकवल-४ (डाँगीवारी) स्थित श्री मोती मा.वि. , एलिना थापालाई कचनकवल-५ (डागावारी) स्थित श्री आ.वि. ,भूमिका श्रेष्ठलाई कचनकवल-४ (पगलिभिट्टा) स्थित श्री शारदा आ.वि. ,काजल कुमारीलाई कचनकवल-१ (पथरिया हाट) स्थित श्रशि बुद्ध मा.वि. र विक्रम परियारलाई कचनकवल-१ (पिण्डलवारी) स्थित श्री नवदुर्गा आ.वि.मा नियुक्ति गरिएको छ ।
गाउँपालिका अध्यक्ष कालेन्द्र प्रसाद सिह राजवँशीले यो नियुक्ति प्रक्रियासँगै शिक्षाको गुणस्तर वृद्धि गर्नका लागि महत्त्वपूर्ण कदम भएको बताउनु भएको छ। नव नियुक्त शिक्षकहरूले विद्यालयमा आजकै मीतिमा हाजिर गराउन समेत अनुरोध गरिएको जनाइएको छ।
