कचनकवल । यस वर्षको माध्यमिक शिक्षा उत्तीर्ण परीक्षा (एसईई) मा कचनकवल गाउँपालिकाबाट जम्मा ६१२ विद्यार्थी सहभागी भएका छन्। परीक्षाका लागि श्री लक्ष्मी मावि बनियानी र श्री पथरिया मावि पथरिया गरी दुई परीक्षा केन्द्र तोकिएको छ।
लक्ष्मी मावि परीक्षा केन्द्र (कचनकवल-६, बनियानी) मा २७९ विद्यार्थी दर्ता भए पनि ३ जना अनुपस्थित रहे। सो परीक्षा केन्द्रमा ११३ छात्र र १५८ छात्रा, गरी २७६ विद्यार्थीले परीक्षा दिएका छन्। यस केन्द्रबाट ५ सामुदायिक र ४ संस्थागत विद्यालयका विद्यार्थी सहभागी भएका छन्।
त्यस्तै, पथरिया मावि परीक्षा केन्द्र (कचनकवल-३, पथरिया) मा २५४ नियमित र १० ग्रेड वृद्धि गरी २६४ विद्यार्थीले परीक्षा दिएका छन्। यहाँबाट ६ माध्यमिक विद्यालयका विद्यार्थी सहभागी भएका छन्।
समग्रमा, कचनकवलका दुई परीक्षा केन्द्रबाट ६१२ विद्यार्थी २०८१ सालको एसईई परीक्षामा सहभागी भएका छन्, जसले स्थानीय शैक्षिक विकासको प्रतिबिम्ब प्रस्तुत गर्दछ। परीक्षा मर्यादित, व्यवस्थित र शान्तिपूर्ण वातावरणमा सम्पन्न हुने अपेक्षा गरिएको छ।
