झापा । आज नेपालभर २१ औं महिला सामुदायिक स्वास्थ्य स्वयंसेविका दिवस विभिन्न कार्यक्रमहरूसहित मनाइँदैछ। यस वर्षको दिवसको नारा “स्वास्थ्य सेवामा सामुदायिक सहभागिता: महिला स्वयंसेविकाको सम्मान” रहेको छ।
महिला स्वास्थ्य स्वयंसेविकाहरूले नेपालको स्वास्थ्य सेवा क्षेत्रलाई बलियो बनाउन महत्वपूर्ण भूमिका खेल्दै आइरहेका छन्। गर्भवती महिलाको हेरचाह, नवजात शिशुको स्वास्थ्य, खोप कार्यक्रम, पोषण तथा रोग रोकथामजस्ता विविध सेवाहरूमा उनीहरूको योगदान अतुलनीय छ।
यस अवसरमा देशभरका विभिन्न स्थानमा सम्मान कार्यक्रम ,सचेतना अभियान र स्वास्थ्य शिविर आयोजना गरी महिला स्वयंसेविकाहरूको मेहनतलाई कदर गरिएको छ। साथै, सरकारले महिला स्वास्थ्य स्वयंसेविकाहरूको क्षमता विकास तथा प्रोत्साहनका लागि थप प्रभावकारी कार्यक्रम ल्याउने प्रतिबद्धता व्यक्त गरेको छ।
महिला सामुदायिक स्वास्थ्य स्वयंसेविका कार्यक्रम नेपालको ग्रामीण स्वास्थ्य सेवाको मेरुदण्ड मानिन्छ। उनीहरूको समर्पणले देशका दुर्गम क्षेत्रमा पनि स्वास्थ्य सेवा पुर्याउन महत्त्वपूर्ण भूमिका खेलेको छ।
सबै महिला स्वास्थ्य स्वयंसेविकालाई हार्दिक सम्मान र शुभकामना!
