झापा । कचनकवल गाउँपालिका वडा नं. ६ (बनियानी) स्थित इलाका प्रहरी कार्यालय, बनियानीको कार्यालय भवन निर्माण गर्नका लागि गाउँपालिकाले नि:शुल्क जग्गा प्राप्तिको लागि दोस्रोपटक सूचना प्रकाशित गरेको छ ।
गाउँपालिकाबाट प्रकाशित सूचनामा भनिएको छ ।संघिय सरकार बाट आवश्यक रकम विनियोजन भएको तथा यस गाउँपालिकाको मिति २०८१/०७/१३ गतेको कार्यपालिका बैठकले इलाका प्रहरी कार्यालयको भवन निर्माणको लागि निःशुल्क जग्गा प्राप्त गर्ने निर्णय अनुसार मिति २०८१/०७/२६ गते प्रथम पटक निःशुल्क जग्गा उपलब्ध गराउनको लागि १५ (पन्ध्र) दिनको सूचना प्रकाशन गरिएकोमा हालसम्म कुनै पनि निवेदन नपरेको हुँदा निःशुल्क जग्गा उपलब्ध गराउन इच्छुक व्यक्ति तथा संघ संस्थाहरुको लागि पूनः दोश्रो पटक ७(सात) दिनको सूचना प्रकाशन गरिएको छ ।
निःशुल्क जग्गा उपलब्ध गराउन इच्छुक व्यक्ति तथा संघ संस्थाहरुले सूचना प्रकाशन भएको मितिले ७ (सात) दिनभित्र कार्यालय समयमा आँफुले उपलब्ध गराउन चाहेको जग्गाको चारकिल्ला, क्षेत्रफल, अवस्थिति र प्रकृति लगायतको विवरण सहित रित पुर्वक शिलबन्दी दरखास्त पेश गर्नुहुन दोस्रो सूचना प्रकाशन गरिएको छ ।
