१७ कार्तिक, बनियानी । कचनकवल गाउँपालिका-६ बनियानी स्थित लक्ष्मी माद्यामिक विद्यालयमा अज्ञात समूहले झ्यालका सिसा र मुख्य गेटमा निर्माणाधीन सिमेन्टबाट निर्मित बोर्ड तोडफोड गरेको छ ।
पहिलो तलामा रहेको कक्षा कोठाको झ्यालका सिसा तोडफोड भएको हो । निर्माणाधीन गेटको बोर्डलाई इटा प्रहार गरि तोडफोड गरेपनि आँशिक क्षति भएको छ। विद्यालयका कक्षाकोठाको झ्यालका सिसा तोडफोड गरी खसाल्नुको साथै उनीहरुले तल्लो तलाको झ्यालको पल्ला समेत झिकिदिएका छन् ।
यसअघि पनि बिद्यालयका झ्याल ढोकामा क्षति पुर्याउने कार्य भइसकेको प्रधानाध्यापक सुकदेव पोखरेलले बताए।विद्यालयको भौतिक सँरचना तोडफोड गर्ने जस्तो निकृष्ट कार्य गर्नु एकदमै गलत भएको पोख्रेलले बताए ।
विद्यालय क्यान्टिन सञ्चालक बम बहादुर भट्टराईले विद्यालयको शैक्षिक तथा भौतिक पक्षमा सुधारका लागि विद्यालय प्रशासन,विद्यालय ब्यवस्थापन समिति र समुदायले चासो राखेर सुधारका लागि हात बढाएपछि अराजक तत्वहरु सलबलाएको बताउनुभयो। इलाका प्रहरी कार्यालय बनियानीका बरिस्ठ प्रहरी नायव निरीक्षक प्रविन भट्टराईले राति पनि गस्ती टोली घुमाई रहेपनि बनियानी बजारमा लगाईएका सिसिटिभी नचलिरहेकाले स्थानीय सरकारलाई मर्मतका लागि भनिएपनि चाडपर्वका कारणले तत्काल सञ्चालनमा नआएकाले तोडफोडबारे अनुसन्धान भइरहेको भट्टराईले जनाउनु भएको छ ।
