झापा ,साउन २९ । मोरङमा एउटा हात्ती मृत भेटिएको छ ।
बेलबारी नगरपालिका वडा नम्बर–३ करमडाँडामा करिब ७/८ वर्षको पोथी हात्ती मृत भेटिएको प्रहरीले जनाएको छ ।
हात्ती विद्युतीय झट्काबाट मारिएको हुन सक्ने प्रहरीको प्रारम्भिक अनुमान छ । झापा, मोरङ र सुनसरीमा यो वर्ष आधा दर्जन हात्ती मारिएका छन् ।
अधिकांश हात्तीको मृत्युको कारण करेन्ट रहेको छ । केही हात्ती मार्न बन्दुकसमेत प्रयोग भएको पाइएको छ । हात्तीमाथि भइरहेको श्रृङखलाबद्ध आक्रमणप्रति सरकार र संरक्षणकर्मीहरु विभिन्न कार्यक्रमका भाषणमा चिन्तित बनेपनि अहिलेसम्म कसैलाई कानुनी दायरामा ल्याईएको छैन ।
