बनियानी । कचनकवल गाउँपालिकाको आयोजनामा पालिकास्तरीय राष्ट्रपति रनिङ शिल्ड प्रतियोगिता शुरुहुने भएको छ। कचनकवल-३ पथरियास्थित पथरिया माविको खेलमैदानमा शुक्रबारदेखि प्रतियोगिता शुरुहुने भएको हो।
प्रतियोगिताको उद्घाटन कचनकवल गाउँपालिकाका अध्यक्ष कालेन्द्र प्रसाद सिह राजवँशी र उपाध्यक्ष नवराज भट्टराईले गर्नेछन्।शारीरिक र मानसिक स्वास्थ्यका लागि खेलकुद अपरिहार्य छ।जिल्लास्तरको प्रतियोगिता जितेर आउने विद्यार्थीलाई पालिकाले पुरस्कृत गर्नेछ।
उक्त कार्यक्रम कचनकवल गाउँपालिकाको शैक्षिक प्रशासन शाखा प्रमुख मनिता पोख्रेलले पालिकाका माध्यमिक स्तरका छात्र/छात्रा बिद्यार्थीले प्रतियोगितामा प्रतिस्पर्धा गर्ने बताउनु भयो।उनले तीन दिनसम्म सञ्चालन हुने प्रतियोगिताका उत्कृष्ट खेलाडीले पालिकास्तरीय प्रतियोगितामा भाग लिने बताउनु भयो।
प्रतियोगितामा भलिबल ,कबड्डी ,दौड ,हाइजम्प ,लङजम्प ,सटपुट ,ज्याभलिङ थ्रो लगायतका खेल समावेश गरिएको छ। प्रतियोगितामा गाउँपालिका भित्रका सामुदायिक र सँस्थागत विद्यालयका छात्र /छात्रा विद्यार्थीले प्रतिस्पर्धा गर्नेछन्।
