भद्रपुर। पृथ्वीनगरको सोमबारे खेल मैदानमा जारी मुख्य आयोजक नाईटिङ्गल खेलकुद सहकारी र सह-आयोजक नाईटिङ्गल क्लबले सञ्चालन गरेको विद्यालय स्तरीय भलिबल प्रतियोगिताको फाईनलमा सिद्धार्थ शिशु सदन भद्रपुर टिम पहिलो बनेको छ।लक्ष्मी मावि टिमलाई सोझो सेटमा हराएर सिद्धार्थले स्थान बनाएको हो।
शनिवार भद्रपुर-१ सोमवारे खेलमैदानमा भएको फाईनल भलिबल खेलमा सिद्धार्थले पहिलो सेट २५–१७ दोस्रो सेट २५–१७ र अन्तिम सेट २५–२० स्कोरले लगातार तीन सेटमा हराएको हो।
योसँगै सिद्धार्थ शिशु सदन भद्रपुरले नगद दस हजार पुरस्कार ,मेडल र ट्रफी सहित उपविजेता लक्ष्मी मावि बनियानीले नगद पाँच हजार पुरस्कार ,मेडल र ट्रफी जितेको छ।
