झापा । सीमावर्ती कचनकवल-४, झापास्थित दिपेन्द्र आधारभूत विद्यालयमा स्थायी प्रा.वि. तृतिय श्रेणीमा कार्यरत शिक्षक अजिम मियाँले २० वर्ष ८ महिना लामो शैक्षिक सेवापश्चात स्वेच्छिक अवकाश लिनुभएको छ।
शिक्षा क्षेत्रमा निरन्तर समर्पित रहँदै विद्यालयलाई गुणस्तरीय शिक्षा अभिवृद्धि गर्न महत्वपूर्ण योगदान पुर्याउनुभएका मियाँलाई विद्यालय परिवारले विशेष सम्मान गर्दै अवकाशपश्चातको जीवन सुखमय रहोस् भन्ने शुभकामना व्यक्त गरेको छ।
विद्यालय प्रशासनले उहाँको योगदानलाई अमूल्य बताउँदै "शिक्षक मियाँले विद्यालय र विद्यार्थीलाई मार्गदर्शनमा जुन समर्पण देखाउनुभयो, त्यो सधैँ प्रेरणादायी रहनेछ," भनेको छ।
अवकाश जीवनलाई समाजसेवामुखी बनाउन निरन्तर सक्रिय रहोस् भन्ने कामना गर्दै विद्यालय परिवारले उहाँप्रति हार्दिक बधाई तथा शुभकामना व्यक्त गरेको छ।
