बनियानी । कचनकवल गाउँपालिकाले हरितालिका तीजको अवसरमा स्थानीय विदा दिने निर्णय गरेको छ। गाउँपालिकाले जारी गरेको सूचनाअनुसार भदौ १० गते मङ्गलवार सार्वजनिक बिदा दिएको छ।
नेपालको मौलिक पर्वका रुपमा महिलाले विशेष महत्वका साथ मनाउने तीजका दिन कार्यालय, विद्यालय तथा गाउँपालिकाअन्तर्गतका सबै निकाय बन्द रहने जनाइएको छ।
गाउँपालिकाले महिलाको सांस्कृतिक, सामाजिक र धार्मिक महत्वलाई सम्मान गर्न उक्त विशेष दिनमा विदा दिएको हो। तीजको दिन महिलाहरू व्रत बसेर भगवान् शिव-पार्वतीको पूजा-आराधना गर्ने परम्परा रहिआएको छ।
