बनियानी। नेपाल सरकारले सुरु गरेको बायोमेट्रिक हाजिरी प्रणाली अब झापाको कचनकवल गाउँपालिका भित्रका सबै सामुदायिक विद्यालयमा पनि धमाधम जडान भइरहेको छ। गाउँपालिकाले आफ्ना सबै सामुदायिक विद्यालयमा यो प्रविधि अनिवार्य लागू गरेर हाजिरी रजिस्ट्रार बिस्थापित गर्ने भएको छ।
गाउँपालिकाका प्रमुख प्रशासकीय अधिकृत स्काई पोख्रेलका अनुसार, “अब शिक्षकको उपस्थितिलाई विद्यालय मात्र होइन, प्रत्यक्ष सरकारले पनि वास्तविक समयमा हेर्न सक्ने भएकाले शिक्षण प्रक्रिया र समय पालनामा थप पारदर्शिता आउँछ।”
बायोमेट्रिक प्रणाली सञ्चालनमा आएसँगै अब शिक्षकको हाजिरी र उपस्थितिको सम्पूर्ण विवरण सोझै सरकारको नियन्त्रण र अनुगमनमा रहने छ। यसले हाजिरीमा हेरफेर रोक्ने, शिक्षकलाई समयमा विद्यालय उपस्थित हुन बाध्य पार्ने र गुणस्तरीय शिक्षा प्रवर्द्धन गर्ने सरकारको अपेक्षा छ।
यसअघि विद्यालयमा समयमा उपस्थित नहुने वा हाजिरीमा गडबडी हुने गुनासोहरू बढ्दै गएपछि यस्तो प्रविधि ल्याइएको हो। तर, शिक्षकहरूले भने यसलाई शिक्षकमाथि मात्र शंका गर्ने मानसिकता भन्दै आलोचना गरेका छन्।
कचनकवल गाउँपालिकाले भने यो प्रविधि लागू भएपछि शिक्षा क्षेत्रमा सुधार र उत्तरदायित्वको संस्कार स्थापित हुने विश्वास व्यक्त गरेको छ।
अत्यन्त जरुरी सूचना :
