मोरङ - मोरङको रतुवामाई नगरपालिका-४ आमबारी चोक निवासी पुष्पमाया खतिवडाको कम्पाउन्डमा पार्किङ गरी राखिएको को ३० प ९६७७ नम्बरको मोटरसाइकल चोरी भएको घटनामा संलग्न दुई जना युवालाई प्रहरीले झापामा पक्राउ गरेको छ।


मोरङ प्रहरीले दिएको जानकारीअनुसार मिति २०८२ साउन ३० गते राति मोटरसाइकल चोरी भएको सूचनाका आधारमा भदौ २ गते दिउँसो प्रहरीले झापाको भद्रपुर नगरपालिका-५ मेचीपुलस्थित चेकप्वाइन्टमा कडाईका साथ जाँच गरेको थियो। सो क्रममा नेपालबाट भारततर्फ लैजादै गरिएको उक्त मोटरसाइकलमा दुई जना सवार भेटिएका थिए।
पक्राउ पर्नेमा झापा गौरीगन्ज गाउँपालिका-५ बस्ने २० वर्षीय रोम उर्फ प्रकाश यादव र झापा बिर्तामोड नगरपालिका-१ बस्ने २० वर्षीय ओम प्रकाश खड्का रहेका छन्।
चोरी कार्यमा संलग्न दुवैजनालाई चोरीको मोटरसाइकलसहित नियन्त्रणमा लिएर आवश्यक कानूनी कारबाहीका लागि इलाका प्रहरी कार्यालय सिजुवा, मोरङमा पठाइएको प्रहरीले जनाएको छ।
अत्यन्त जरुरी सूचना :