झापा, २०८२ साउन १८ - झापाको बुद्धशान्ति गाउँपालिका वडा नं. ६ स्थित गौडा भित्री सडकखण्डबाट अवैध काठ ओसारपसारमा संलग्न एक ट्र्याक्टरसहित व्यक्ति नियन्त्रणमा लिइएको छ।
शनिवार साँझ करिब ७:३० बजे इलाका प्रहरी कार्यालय बुधबारेबाट खटिएको गस्ती टोलीले चेकजाँचको क्रममा बिना कानुनी कागजात ईलामबाट झापा तर्फ ल्याउँदै गरेको चिलाउने र सिमल जातका ४० थान गोलियाको कूल ४५ क्युबिक फिट काठसहित ट्र्याक्टर पक्राउ गरेको हो।
प्रहरीका अनुसार प्र. १-०१-००१ त ८५६० नम्बरको उक्त ट्र्याक्टर चालक मेचीनगर नगरपालिका-८ निवासी ४४ वर्षीय रन्जित राजबंशीलाई घटनास्थलमै नियन्त्रणमा लिइएको थियो।
सम्बन्धित व्यक्ति, ट्र्याक्टर र बरामद काठ आवश्यक अनुसन्धान र कारबाहीको लागि मिति २०८२/०४/१८ गते जिल्ला वन कार्यालय झापा पठाइएको जिल्ला प्रहरी स्रोतले जानकारी दिएको छ।
मेलमिलाप अभिकर्ता सुचीकृत सम्बन्धि जरुरी सूचना :
