विर्तामोड, चैत १५ - कोशी प्रदेश योजना आयोगको आयोजनामा आयोजना छनोट तथा योजना बैंक सम्बन्धी अभिमुखीकरण र वार्षिक योजना तर्जुमा गोष्ठी विर्तामोडमा सम्पन्न भएको छ।
गोष्ठी आज शुक्रबार भौतिक पूर्वाधार तथा नीति निर्माण सम्बन्धी छलफल गर्न विर्तामोडको अग्रसेन भवन, विर्तामोड, झापामा सम्पन्न भएको हो। कार्यक्रममा कोशी प्रदेशका सबै विषयगत मन्त्रालयहरूको सहकार्य रहेको थियो।
कार्यक्रममा वार्षिक योजनाको तर्जुमा प्रक्रियालाई प्रभावकारी बनाउन आवश्यक रणनीति, आयोजना छनोटका मापदण्डहरू तथा योजना बैंक निर्माणका सन्दर्भमा गहन छलफल गरिएको थियो।
कोशी प्रदेश योजना आयोगको संयोजनमा सम्पन्न यो कार्यक्रम प्रदेशस्तरीय योजना निर्माणलाई व्यवस्थित बनाउन तथा आयोजनाहरूको छनोटमा एकरुपता कायम गर्न महत्वपूर्ण हुने आयोजकहरूले बताएका छन्।
