झापा, फाल्गुन १५ - झापाको कचनकवल गाउँपालिकाका दुई युवा सवार मोटरसाइकल विर्तामोड नगरपालिका-३, लालमाटी चौक नजिक दुर्घटनामा परेको थियो।
जिल्ला ट्राफिक प्रहरी कार्यालय विर्तामोडका अनुसार फाल्गुन १३ गते बिहान ५:४५ बजे लालमाटीबाट राम चौकतर्फ जाँदै गरेको प्र-०३-०२५ प ९५०१ नम्बरको मोटरसाइकल अनियन्त्रित भई बिजुलीको पोलमा ठोक्किएको थियो।
दुर्घटनामा १९ वर्षीय मोटरसाइकल चालक गोबिन्द राजवँशी (कचनकवल-३) गम्भीर घाइते भएका थिए। उनको टाउको र शरीरका विभिन्न भागमा गहिरो चोट लागेको थियो, जसले उनको अवस्था चिन्ताजनक रहेको चिकित्सकहरूले बताएका थिए।
त्यस्तै, पछाडि सवार १८ वर्षीय अमित राजा (कचनकवल-३) को छातीमा चोट लागेको भए पनि उनको अवस्था सामान्य रहेको थियो। चालकले गति नियन्त्रण गर्न नसक्दा दुर्घटनामा परेका दुवै जनालाई तत्काल विर्तामोडस्थित बीएन्डसी अस्पतालमा लगिएको भएपनि, राजवँशीको अवस्था गम्भीर रहेपछि सघन उपचार कक्षमा उपचारका क्रममा निधन भएको जनाइए पनि अस्पतालले औपचारिक रुपमा मृत घोषणा भने गरिसकेको छैन।
