काठमाडौं । नेपाल नागरिक उड्डयन प्राधिकरणको आधिकारिक ट्रेड युनियन निर्वाचनमा नेकपा (माओवादी केन्द्र) निकट नेपाल राष्ट्रिय कर्मचारी संगठन ले बहुमत हासिल गर्दै सानदार विजय प्राप्त गरेको छ। इन्जिनियर सुभाष कोइरालाको नेतृत्वमा रहेको संगठन २०२ मत प्राप्त गर्दै विजयी बनेको हो।
निकटतम प्रतिद्वन्द्वीका रूपमा नेपाली कांग्रेस निकट लोकतान्त्रिक कर्मचारी सङ्घ १९४ मत प्राप्त गर्दै दोस्रो स्थानमा रह्यो। उक्त संगठनको नेतृत्व गणेश प्रसाद भुसाल ले गरेका थिए।
यसैगरी, नेकपा (एमाले) निकट कर्मचारी संगठन मीन प्रसाद खनालको नेतृत्वमा तेस्रो स्थानमा रह्यो। मधेस तराई कर्मचारी युनियन, जसको नेतृत्व ई. अनिल कुमार गुप्ताले गरेका थिए, चौथो स्थानमा रह्यो। त्यस्तै, जनमत पार्टी निकट कर्मचारी एकता मञ्च ई. रतन दासको नेतृत्वमा पाँचौं स्थानमा सीमित भयो।
यस नेपाल नागरिक उड्डयन प्राधिकरणका कर्मचारीहरूको निर्वाचनको नतिजाले माओवादी केन्द्रलाई सशक्त बन्दै गएको संकेत गरेको छ।
