झापा, २८ भदौ। झापाको कचनकवल गाउँपालिकामा नयाँ प्रमुख प्रशासकीय अधिकृत हाजिर भएका छन् । संघीय मामिला तथा समान्य प्रशासन मन्त्रालयले कचनकवल गाउँपालिकाको प्रमुख प्रशासकीय अधिकृतको रुपमा खटाएका पुण्यप्रसाद पौडेल भदौ २७ गते हाजिर भएका हुन् ।
प्रमुख प्रशासकीयको रुपमा रहनु भएका सुवासचन्द्र सुमन सरुवा भएर गएपछि २४ गतेबाट प्रशासक बिहिन कचनकवल गाउँपालिकामा मन्त्रालयले नयाँ प्रमुख प्रशासकीय अधिकृतको जिम्मेवारी सहित नयाँ प्रशासकीय प्रमुख पठाएपछि पौडेल हाजिर हुनुभएका हुन् ।
गाउँपालिकामा नयाँ प्रमुख प्रशासकीय अधिकृत पुण्यप्रसाद पौडेल हाजिर भएपनि आधिकारिक रुपमा सुमनले रवाना लिएको वा नलिएको भन्नेमा अझसम्म प्रष्ट भई सकेको छैन ।
