झापा।कचनकवल गाउँपालिका वडा नं ३ का वडा सदस्य मेघलाल राजवँशीको निधन भएकोले आज कचनकवल गाउँपालिकामा एकदिन शोक विदा भएको छ।
२०७९ को स्थानीय तहको निर्वाचनमा कचनकवल गाउँपालिका वडा नं ३ को वडा सदस्यमा निर्वाचित राजवँशीको बुधबार राति १ बजे आमवाडी स्थित आफ्नै घरमा निधन भएको हो।
उनी केही समयदेखि क्यान्सर रोगबाट पीडित थिए। उनले भरतपुर क्यान्सर अस्पतालमा उपचार गराउँदै आएका थिए।
नेपाली कांग्रेसबाट आफ्नो राजनीति अगाडि बढाउनुभएका राजवँशी सामाजिक क्षेत्रमा लामो समय देखि सकृय रहँदै आएका थिए। कचनकवल वडा नं ३ कांग्रेसको वडा समित उपसभापति राजवँशीको आजै स्थानीय मदन खोलामा दाहसंस्कार गरिने पारिवारिक स्रोतले जनाएको छ।
