झापा । कचनकवलमा जङ्गली हात्तीले दुईवटा घर भत्काएको छ । गएराति ११ बजेको समयमा दुर्गाभिट्टा सामुदायिक वनबाट आएको जङ्गली हात्तीले स्थानीय धुला राजवंशीको टिनको छानो भएको भुँइतले घर भत्काएको छ । जसबाट अन्दाजी १ लाख बराबरको क्षति भएको छ ।
त्यस्तै रणबहादुर लिम्बुको टिनको छानो भएको भुँइतले घरको पूर्वपट्टिको भित्ता भत्काई घरभित्रको अन्दाजी ३० मन धान खाँदा करिब १ लाख बराबरको क्षति भएको छ । सोही हात्तीले डम्बर खड्काको खेतको खमारमा राखिएको धान अन्दाजी २० मन खाएर नष्ट गरेको जिल्ला प्रहरी कार्यालयले जनाएको छ ।
