तेह्रथुम । तेह्रथुमको फेदाप गाउँपालिका-४ सम्धुमा बुधबार राति १:३० बजे भएको आगलागीबाट अमर बहादुर बुढाथोकीको घर जलेर पूर्णरूपमा क्षति भएको छ । घरमा रहेका अन्नपात र लत्ताकपडा जलेर नष्ट भएको छ ।
आगलागीबाट गोठ समेत जलेको छ । बस्तीमा पानीको अत्यन्तै समस्या र फुसको छाना रहेका घर भएकाले घर र गोठ सखाप हुँदा ठूलो क्षति भएको हो ।
अहिले घरमा लागेको आगो नियन्त्रणमा आएको भएपनि घर,गोठ,भान्सा पुर्ण रुपमा सखाप भएकोले क्षतिको यकिन विवरण आउन बाँकी रहेको छ ।
