झापा, भदौ ९ । झापा जिल्लामा एक १७ वर्षीया नाबालिगमाथि जबरजस्ती करणी प्रयास गरेको अभियोगमा दुई जना पक्राउ परेका छन्।
जिल्ला प्रहरी कार्यालय झापाले दिएको जानकारीअनुसार कचनकवल गाउँपालिका-७(बालुवाडी) बस्ने ७१ वर्षीय पहलमान पौडेल खत्री र त्यही ठाउँका ५५ वर्षीय रत्नबहादुर तामाङले नाबालिगलाई ललाई-फकाई तथा डर त्रास देखाई पाथीभरा सामुदायिक वनमा जबरजस्ती करणी गर्न खोजेको आरोप लागेको हो।
उक्त घटनाबारे प्रहरीलाई २०८२ भदौ ८ गते जानकारी प्राप्त भएपछि सोही दिन इलाका प्रहरी कार्यालय बाियानीले उनीहरूलाई नियन्त्रणमा लिइएको थियो। पक्राउ परेका दुवै जनालाई थप अनुसन्धान तथा कारबाहीका लागि आज (भदौ ९ गते) जिल्ला अदालतमा पेश गर्दै अदालतले ५ दिनको म्याद दिएको प्रहरीले जनाएको छ।
जिल्ला प्रहरी कार्यालय झापाले पीडितलाई न्याय दिलाउने र घटनामा संलग्न व्यक्तिलाई कानूनी दायरामा ल्याउन आवश्यक अनुसन्धान भइरहेको जनाएको छ।
