झापा । समाजसेवामार्फत उदाहरण प्रस्तुत गर्दै आएका कचनकवल गाउँपालिका-२ का सफल व्यवसायी दम्पती पदमबहादुर श्रेष्ठ र केशरकुमारी श्रेष्ठले निरन्तर सामाजिक उत्तरदायित्व वहन गर्दै आएका छन्। पिके ज्वेलर्स तथा केशरी फेन्सी स्टोर्सका सञ्चालकद्वय श्रेष्ठ दम्पतीले हरेक वर्ष करिब १ लाख रुपैयाँ बराबरको रकम स्थानीय विद्यालय, महिला समूह तथा सार्वजनिक संस्थाहरुलाई सहयोग गर्ने परम्परा कायम राख्दै आएका छन्।
हालै मात्र श्रेष्ठ दम्पतीले महिला समूह सुकुनाडिगीलाई ५१ हजार रुपैयाँको चेक हस्तान्तरण गर्दै आफ्नो सामाजिक प्रतिबद्धतालाई थप सुदृढ बनाएका छन्। जीवन बीमा क्षेत्रमा समेत अग्रणी रहेका पदमबहादुर श्रेष्ठ रिलायबल नेपाल लाइफ इन्स्योरेन्सका तर्फबाट तीन पटक MDRT (Million Dollar Round Table) को प्रतिष्ठित उपलब्धि हासिल गरिसकेका छन्। त्यस्तै, उनी कचनकवल-१ डाकुपरास्थित भुतेश्वर शिवालय मन्दिरका आजीवन सदस्यसमेत बनेका छन्।
व्यवसायसँगै समाजसेवामा उर्जाशील योगदान गर्दै आएका श्रेष्ठ परिवारलाई उनका सुपुत्र पंकज श्रेष्ठले समेत निरन्तर साथ दिइरहेका छन्। पंकजले पनि आमाबुबाको बाटो पछ्याउँदै बीमा क्षेत्रमा सक्रिय भूमिका निर्वाह गर्दै MDRT सदस्यतामा चयन भइसकेका छन्।
समाजप्रतिको उत्तरदायित्वलाई आत्मसात् गर्दै उत्कृष्ट व्यवसाय र उदार सेवाभावको संगम प्रस्तुत गर्ने श्रेष्ठ परिवारले कचनकवल मात्र नभई झापा जिल्लाभर समाजसेवामा प्रेरणादायी आदर्श स्थापित गरेको देखिन्छ।
