झापा । कचनकवल जेसीजको आयोजना ,ईलाका प्रहरी कार्यालय बनियानीको समन्वय तथा ट्राफिक प्रहरी कार्यालय बनियानीको प्राविधिक सहयोगमा सवारी दुर्घटना न्यूनिकरण सम्बन्धी ट्राफिक सचेतना कार्यक्रम सम्पन्न भएको छ ।
उक्त कार्यक्रमका संयोजक कचनकवल जेसीजका उपाध्यक्ष आशिष वाग्ले ,प्रमुख अतिथि ईलाका प्रहरी कार्यालय बनियानीका प्रहरी नायब निरीक्षक दिवस कुमार कार्की तथा स्थानीय समाजसेवी ,बुद्धिजीवी ,शिक्षक ,पत्रकार आदिको आतिथ्यतामा कार्यक्रम सम्पन्न भएको हो ।
विगत केहीदिन यता कचनकवल तथा कचनकवल आसपासका क्षेत्रहरूमा सवारी दुर्घटना अत्यधिक बढ्दै गईरहेकाले यसलाई न्यूनिकरण गर्नका लागि उक्त कार्यक्रम आयोजना गरिएको कचनकवल जेसीज वर्ष २०२४ का अध्यक्ष वेनुप राज प्रसाईले जानकारी दिनुभयो ।
कचनकवलको मुटु बनियानी चोकमा आयोजित उक्त कार्यक्रममा म्याजिक चालक ,अटो चालक ,सिटी सफारी चालक ,बाइक चालक ,बस चालक ,स्थानीय बासी ,सामाजिक तथा राजनैतीक व्यक्तित्व ,पत्रकार तथा विद्यालयका विद्यार्थीहरुको उपस्थिति रहेको थियो ।
