झापा । कचनकवल गाउँपालिकाको स्वीकृत वार्षिक कार्यक्रम बमोजिम गाउँपालिका क्षेत्रभित्र प्राविधिक शिक्षालयको भवन निर्माणको लागि निशुल्क जग्गा प्राप्तिको लागि सूचना आव्हान भएको छ।
संघिय सरकार अन्तर्गत सघन शहरी तथा भवन निर्माण आयोजना ,झापाबाट आवश्यक रकम विनियोजन भएकोले गाउँपालिकाको मिति २०८१/०६/०७ गतेको कार्यपालिका बैठकको निर्णयानुसार स्वास्थ्य विषय अध्ययन सम्बन्धी प्राविधिक शिक्षालयको भवन निर्माणको लागि
निःशुल्क जग्गा प्राप्त गर्ने निर्णय भए अनुसार सूचना आव्हान गरिएको हो ।
सूचनामा उल्लेखित शर्त बमोजिम निःशुल्क जग्गा उपलब्ध गराउन इच्छुक व्यक्ति तथा संघ संस्थाहरुले प्रथम पटक सूचना प्रकाशन भएको मितिले १५ (पन्ध्र) दिनभित्र कार्यालय समयमा आफुले उपलब्ध गराउन चाहेको जग्गाको चारकिल्ला, क्षेत्रफल,अवस्थिति र प्रकृति लगायतको विवरण सहित रित पुर्वक शिलबन्दी दरखास्त पेश गर्नुपर्ने प्रमुख प्रशासकीय अधिकृत पुण्य प्रसाद पौड्यालद्वारा हस्ताक्षरित सूचनामा भनिएको छ ।
