झापा ।सामाना फिल्म प्रा.लि.द्वारा निर्मित काँढेतार चलचित्रको च्यारिटी शो २०८० असोज २९ गते पाथिभरा सिनेमा हल बिर्तामोडमा हुने भएको छ।यो फिल्मको निर्माण ,निर्देशन र लगानी राष्ट्रवादी कलाकार नवल खड्काले गरेका हुन । उक्त अवसरमा समाजका विभिन्न क्षेत्रका अभियन्ता, विज्ञ, विद्वान, बौद्धिक समुदाय तथा युवाहरु लगायत फिल्मप्रेमी दर्शकहरुलाई चलचित्र हेरी सकारात्मक प्रतिक्रिया तथा हौसला प्रदानका लागि आग्रह गरिएको छ ।
फिल्मको अघिल्लो च्यारिटी शो हेर्ने दर्शकको प्रतिक्रियाले निर्मातालाई प्रा.लि.को देशप्रेमी सोच र मिहेनतले मूर्तरुप पाएको कुरा बताएका छन् ।नेपाल र नेपालीको स्वाभिमानलाई उजागर गर्न सरल तथा सहज दृश्य–प्रस्तुति र सिने–प्रविधिको उच्चतम प्रयोग भएको काँढेतारको च्यारिटी शो सबै नेपालीहरुले हेर्नैपर्ने भनी च्यारिटी हेरेपछि प्रतिक्रिया दिएकाछन् ।
दर्शकहरुले उक्त कुरा व्यक्त गर्दा सम्पूर्ण काँडेतार तथा सामना फिल्म परिवार खुसी भएको कुरा निर्माताले उल्लेख गरेका छन् । काँढेतारको च्यारिटीमा सहभागी हुने दर्शकहरुबाट पाएको स्यावासी र प्रशंसाबाट धेरै भन्दा धेरै हौसला र ऊर्जा मिलेको कम्पनीले जनाएको छ ।साथै यो फिल्म आगामी फागुन २५ बाट देशविदेशका चलचित्र घरहरुमा प्रदर्शन गरीने कुरा सार्वजनिक गरिएको छ।
